ILOILO CITY–Ginsaysay sang isa sa mga witness sa natabo nga pagpangluthang sa isa ka tricycle driver nga ginapatihan drug surrenderee sa Zone 4, Brgy. Ungka. Jaro. Iloilo City.
Sa interview sang Bombo Radyo sa isa sa mga witness nga si James Aguilar, iya ginpahayag nga yara sa isa ka tyangge malapit sa crime scene.
Dugang pa ni Aguilar, ginpaandaman siya sang isa sa mga suspetsadp nga magsulod sa ila balay agud ini maulamid sa frimen.
Pagdalagan ni Aguilar, pasulod sa ila balay, nakabati na lang siya sang apat ka asud-asud nga lupok.
Nabatian man sang natungdan ang pagpangayo sang bulig kag ang pagpakit-luoy sang biktima.
Ulihi na sang nakit-an niya nga nagahamyangon na ang biktima sa dalan.
Unda diri, magabakal kuntani sa tyangge ang biktima sang ginpalapitan sang isa ka gunman kag ginpamangkot.
Hinali lang nga nagbunot sang armas ang suspetsado kag gintaya sa biktima.
Ginlaragway man ni Aguilar ang suspetsado nga nakabonet, may helmet, pirot ang mata kag nagasuksok sang itom kag kake nga panapton.
Matapos ang krimen, gilayun naman nga nagpalagyo ang mga suspetsado sakay sa duha ka scooter padulong sa Pavia, Iloilo.