Ginsita ni Senator-Judge Joel Villanueva ang posible nga pagsulod sang wala na-report nga pondo sang Cale88 kag Gencorp Metrocity sa personal bank accounts nanday Vice President Sara Duterte kag bana nga si Atty. Manases Carpio.
Sa hearing, ginpamangkot ni Villanueva si forensic analyst Atty. Alex Cabrera kun may dokumento nga nagapamatuod nga personal nga nabaton sang mag-asawa ang mga pondo nga wala na-report sang nasambit nga mga kumpanya.
Partikular nga ginpangayuan sang kaathagan sang senador kun ang mga pondo nga wala nalista sa corporate records ang nasaylo sa personal accounts sang mag-asawa.
Apang ginsiling ni Cabrera nga indi niya mapat-ud kun aktuwal nga natabo ang nasambit nga pagpasulod sang kwarta.
“Pero kung tinatago niyo po, ba’t niyo po ipapakita sa kabila?”sabat ni Cabrera sang gintalakay ang posibilidad nga masapubliko sa mga rekord ang mga pondo nga ginaalegar ginatago.
