Nagtestify si OVP Assistant Secretary kag Assistant Chief of Staff Lemuel Ortonio nga wala sang record sang confidential funds ang Office of the Vice President sang termino ni former Vice President Leni Robredo.
Suno kay Ortonio, nag-request lang ang OVP sang confidential funds halin sa Department of Budget and Management (DBM) paagi sa sulat nga ginpirmahan ni Vice President Sara Duterte nga may petsa nga Agusto 22, 2022.
Ginsiling man ni Ortonio nga ang amount sang confidential funds nga gin-request sang Office of the Vice President halin sa DBM ang gin-base sa discussions kaupod si Vice President Sara Duterte.
Ini nagalab-ot sa ₱125 million.
Ginkumpirma man ni Ortonio nga wala pa sang na-identify nga mga programa, proyekto, kag aktibidad ang OVP nga naangot sa national security kag peace and order sang nag-request ini sang confidential funds halin sa Department of Budget and Management (DBM) sang Agusto 2022.
Ini matapos ginpunto ni House private prosecutor Mae Divinagracia nga ang August 22, 2022 request letter wala sang nalakip nga physical kag financial plan ukon nag- identify sang programa para sa kun diin itigana ang confidential funds.
Apang suno kay Ortonio, may yara na nga daan sang plano sa pagsugod pa lang sang termino ni Vice President Sara Duterte sang July 2022.
