Iloilo City – Ginlunsyar sang Iloilo City Police Office Women and Children Protection Desk ang Beauty Empowerment program para sa mga iloy kadungan sa selebrasyon sang 2023 National Women’s Month.
Ini ang may tema nga, “Ang kaanyag sa likod sang nabatyag”.
Sa interview sang Bombo Radyo kay Police Major Marlyn Roquero, officer-in-charge sang Iloilo City Police Women and Children Protection Desk, iya ginpahayag nga nagtanyag ang opisina sang libre nga manicure, pedicure, foot spa, eyebrow grooming, eyelash extension, haircut, kag body massage sa mga iloy.
Suno kay Roquero 30 tanan ka mga iloy ang nagpasakop sa nasambit nga programa.
Nagtambong man sa nasambit nga programa sanday Iloilo City Police Office officer-in-charge Police Colonel Joeresty Coronica kag First Lady Rosalie Sarabia Treñas nga asawa ni Iloilo City Mayor Jerry Treñas.
