ILOILO CITY – Gintawag ni Iloilo City Mayor Jose Espinosa III nga Team Was-ag ang Team Uswag ni Iloilo City Lone District Cong. Jerry Treñas.
Ini ang sabat ni Mayor Espinosa sa mga akusasyon nga ginahaboy sang iya bilas batok sa iya.
Sa interview sang Bombo Radyo kay Mayor Espinosa, iya ginpahayag nga indi matuod ang akusasyon nga iya ginagamit ang kaban sang syudad para lamang gastuhon sa pagpangampanya.
Sa pagkamatuod suno kay Espinosa, bastante ang pondo sang iya grupo para gastuhon sa pagpangampanya kag pagpahimo sang campaign materials.
Ginpahayag sang alkalde nga sa tagsa ka grand rally nga ginapatigayon sang grupo ni Cong. Treñas, may ginapanagtag nga kwarta apang pila lamang ka tawo ang nagatambong.
Magluwas diri, kasubong nga nawas-ag naman ang grupo ni Cong. Treñas bangud nga wala nagahiliusa ang kada isa kag ang mga tawo ang naga-ilinaway bangud sa kwarta.
Samtang, ginpahayag naman ni Iloilo City Lone District Cong. Jerry Treñas nga ‘Calamity Joe’ ang natabo sa syudad sang Iloilo.
Suno kay Cong. Treñas, makaluluoy ang syudad sang Iloilo bangud nga ginagamit ang pondo para sa personal nga interest sang iban nga opisyal.
Sa pagkamatuod suno sa mamalidha, wala ginalangawan ang grand rally sang iya grupo sa baylo sa grand rally sang iya bilas, pila lamang ka tawo ang nagatambong.
