Gina-engganyo sang Department of Labor and Employment (DOLE) ang mga employer nga gamiton ang “work from home” option sa tunga sang pagtaas sang COVID-19 cases.
Suno sa data sang Bureau of Local Employment nga attached office sang DOLE, naglab-ot sa 37,434 ang numero sang mga naka-work from home nga mamumugon sang 2020.
Sang Enero 2021, yara na lang sa 5,611 ang mga naga -work from home samtang yara naman sa 14,696 sang Pebrero.
Suno kay DOLE Sec. Silvestre Bello III, ang work from home ang isa sa mga pamaagi agud malikawan ang paglatnanay sang COVID-19.
Apang para sa Employers’ Confederation of the Philippines (ECOP), indi na mahimo pa nga dugangan ang numero sang mga naga-work from home bangud pila lamang nga mga industriya ang masarangan nga sundon ang nasambit nga “arrangement”.
Nag-apelar man ang ECOP nga indi pag-ibasol sa mga workplace ang pagtaas sang COVID-19.
