Nakakas na ang Canada sa 2022 FIFA World Cup kasunod sang 4-1 loss sa 2018 finalists nga Croatia.
Sa pamuno sang hampang, buhi ang paglaum sang Canada matapos nag-skor si Alfonso Davies sa ika-68 nga segundo — ini ang first goal sang Canada sa World Cup, kag amo man subong ang fastest goal nga na-skor sa ongoing edition sang FIFA World Cup.
Apang wala na naghatag liwat sang tyansa ang Croatia: naka-goal sanday Andrej Kramaric, Marko Livaja, kag Lovro Majer nga amo ang dalayon nga nagpa-us-os sang paglaum sang Canada nga makaguwa pa sa group stage.
Antes ang kalutusan subong nga adlaw, una na nga ginpierde sang World No.2 nga Belgium ang Canada,1-0.
Yari ang latest standing sa GROUP F:
BELGIUM – 1 win, 0 draw, 1 loss — 3 points
CROATIA – 1 win, 1 draw, 0 loss — 4 points
MOROCCO- 1 win, 1 draw, 0 loss — 4 points
CANADA – 0 win, 0 draw, 2 loss — 0 point
