ILOILO CITY – Liwat na naman nga nagpangibabaw ang Pilipinas sa bug-os nga kalibutan matapos makuha ang Gold medal sa eKata ukon virtual Karate.
Sa interview sang Bombo Radyo Iloilo kay James De Los Santos, sang Cebu City, iya ginpahayag nga ini na ang ikaapat nga gold medal nga iya nadag-a subog nga tuig.
Subong nga adlaw, Pebrero 15, nadag-an ni De Los Santos ang gold medal sa Katana Intercontinental League sa diin nalutos niya ang Switzerland sa final round.
Nabreak man sang 31 anyos nga World No. 1 eKata player ang kaugalingon nga record sa virtual kata tournament sa diin nakarekord siya sang score nga 26.64 nga mas mataas sa iya narecord ng score sang nagligad nga tuig nga 26.1.
