Nakuha liwat ni Serbian tennis superstar Novak Djokovic ang World No.1 rank sa men’s singles rankings sang Association of Tennis Professionals ukon ATP.
Ini apisar wala siya nakahampang sa BNP Paribas Open tournament sa Indian Wells.
Matandaan nga nadula sa nasambit nga 20-time Grand Slam champion ang no. 1 place sa ATP men’s singles world rankings kag nagkadto ini kay Russian contender Daniil Medvedev sang Pebrero.
Sang amo nga tion, first time ni Medvedev nga mapangalanan bilang World No. 1 kag siya man ang una nga player nga nakakuha sang amo nga rank magluwas kanday Djokovic, Roger Federer, Rafael Nadal, kag Andy Murray.
Apang bangud napierde si Medvedev sa Round of 32 sa Indian Wells Masters, nabuhinan man ang iya nga puntos kag na-retain ni Djokovic ang No. 1 ranking.
