Iga-livestream sang K-pop giant nga BTS ang opening shows sang ila nga bag-o nga world tour nga “Arirang” sa mga sinehan sa South Korea kag sa bilog nga kalibutan.
Suno sa ila agency nga BigHit Music,iga-feature sang screenings ang concert sang grupo sa Goyang sa Abril 11 kag a Japan sa Abril 18.
Makit-an ini sa masobra sa 3,500 ka mga sinehan sa 75 ka mga pungsod.
Gintawag man ini sang BigHit nga “biggest world tour ever” sang isa ka K-pop act kun sa diin may 82 concerts sa 34 ka mga syudad sa kalibutan.
Sold out naman ang tickets sang BTS para sa 41 shows sa North America kag sa Europa.
Ang BTS man ang mangin una nga Korean act nga magapatigayon sang standalone concerts sa major global stadiums lakip na sa Raymond James Stadium sa Tampa, Stanford Stadium sa California, AT&T Stadium sa Arlington, kag Allianz Arena sa Munich.
Ini nga tour ang kasunod sang ikalima nga full-length album sang grupo nga ginatawag nga “Arirang” nga natalana nga ipaguwa sa Marso 20.
