Todo-panginwala ang Estados Unidos nga nagpatigayon ini sang military operations sa kadagatan nga sakop sang Russia.
Kasunod ini sang alegasyon sang Russia nga may ginlagas sila nga U.S. submarine nga yara sa Russian waters sa Pacific.
Suno sa Russia, ginlapas sang Estados Unidos ang international law kag nagtuga sang pamahog sa national security sang Russia sa tion nga tuman pa ka taas ang tensyon sa tunga sang Moscow kag Washington bangud sang pagbutang sang Russia sang tropa sang militar sa border sang Ukraine.Suno naman kay U.S. military spokesman Captain Kyle Raines, binutig lang ang pahayag sang Russia.
Wala sini ginhatag ang eksakto nga lokasyon sang US submarines apang ginpahayag sini nga hilway sila nga makalupad, maka-sail, kag maka-operate sang safe sa international waters.
Apang kun basehan naman ang pahayag sang Russian Defence Ministry, naglab-ot ang submarine sang Estados Unidos malapit sa Kuril Islands sa Russia samtang naga-conduct man ang Russia sang naval exercises sa Pacific Fleet. ##
