ILOILO CITY – Nagapangita ka bala sang pinasahi naman nga experience sa isa ka hotel?
Ari, basi maluyagan mo ini.
Sa Wales, makita ang ‘Deep Sleep’ hotel nga makabig nga world’s deepest hotel.
Makit-an ini sa isa ka abandoned mine, 419 meters sa idalom sang kabukiran sang Snowdonia.
May apat ini ka private twin-bed cabins, kag grotto room nga double bed, dining area, kag toilet facilities.
Apang antes maka-enjoy sang manami nga tulog kag pahuway, kinahanglan anay nga mag-agi sa ‘steep and challenging’ route sa mine site.
Ang kada gab-i nga stay ang nagabalor sang P38,438.
Ang Deep Sleep Hotel ang gin-inagurahan sang Abril kag bukas lamang tagsa ka Sabado.
Indi pwede ang walk in, gani kinahanglan nga mag-pareserve anay online.
Pagkatapos sang 45 minutes nga trekking sa kabukiran, ang mga guests ang magapondo anay sa isa ka magamay nga cottage kag maghanda sang ila isa ka oras nga pagpanaog sa hotel pinaagi sa mga daan nga hagdan, kag halos mga guba na nga taytay.
Kun maka-abot na sa hotel, ang mga guests ang ginahatagan sang ma-inom kag expedition-style meal, antes maka-enjoy sang ‘deep sleep’.
Ang temperatura ang nagapabilin sa 10 degrees Celsius sa bilog nga tuig.
Apang, indi lang ang manami nga tulog ang imo ma-enjoy.
Indi kagid ma-bore bangud nga may yara sang kuryente ang hotel kag may yara man sang Wi-Fi.
Gani, kun gusto mo nga mag-enjoy, magpalayo anay sa real world, ang Deep Sleep Hotel ang recommended gid para sa imo.
