Ikaw bala ang mahilig mag-swimming? Masarangan mo bala mag langoy sa 7ft nga swimming pool? Ukon tubtob ka na lang sa 3ft?
Kun nakulbaan ka nga maglangoy sa 7ft nga swimming pool, mas makulbaan ka pa kun ikaw ang mag-swimming sa pinakamadalom nga pool sa bilog nga kalibutan kag ini ang makit-an lang sa Poland.
Ang ini nga swimming pool ang may kadalumon nga 148 ft kag nagatanyag sang training services para sa mga scuba divers.
Ang 148-foot-deep pool ang may masobra 280,000 cubic feet sang tubig — nga may kaangay nga amount sa 27 ka mga Olympic-sized swimming pools.
Gin-desinyo ang pool para sa scuba training kag pagagamiton man sa pag-train sa mga divers para sa Polish army kag bombero.
Nahamtang mismo ang swimming sa pool sa sulod sang hotel sa diin may mga tunnel man nga para sa mga audience nga luyag maglantaw sa mga divers, may restaurant kag mga meeting rooms.
Gani kun luyag mo nga maka-swimming sa pinakamadalom nga pool sa kalibutan, subong pa lang, tuon kana nga maglangoy.
