Atensyon sa mga mahilig magkaon sang peanut butter kag jam!
Handa ka bala nga maggasto sang tuman ka dako nga kantidad para lang sa imo paborito nga pagkaon?
Kun OO ang imo sabat, dali ikaw kay dal-on ta ka sa Chicago sa Estados Unidos bangud didto mo matilawan ang peanut butter kag jam nga gin-impon lang sa isa ka tinapay!
Bangud nga handa ka magbayad sang mahal, tilawi ang peanut butter and jelly sandwich nga ginabaligya sa isa ka restaurant sa Chicago.
Ini ang ginakabig nga pinakamahal nga peanut butter and jelly sandwich sa bilog nga kalibutan!
Nagabalor lang man ini sang $350n ukon kapin P17,000 ang isa ka sandwich.
Nagalibog ang ulo mo kun ngaa tuman ini ka mahal?
Ang sandwich ang ginatawag nga “The Golden Goose” nga may pinakamanamit kag pinakamahal man nga ingredients.
Pinasahi nga ‘honey’ ang ginbutang sa tinapay sa diin halin pa ini sa New Zealand.
Sa 250-gram jar sang ‘manuka honey’, nagabalor ini sang $371 ukon kapin P18,000.
Kun desidido ka na nga maggasto sang P17,000 para sa peanut butter and jelly sandwich, siguraduhon anay nga magtawag sa restaurant antes ikaw magkadto didto agud ma preparahan sang maayo ang imo paborito nga tinapay.
