Napatay na sa edad nga 31-anyos ang ido nga si Bobi, ang ginbansagan nga “world’s oldest dog”.
Ulihi siya nga nag-selebrar sang iya nga kaadlawan sang Mayo kun sa diin masobra 100 ka tawo ang nagtambong.
Guinness World Records via BBC
Sa report sang Guinness World Records, naglawig sang 31 ka tuig kag 165 ka adlaw ang kabuhi sang purebred Rafeiro Alentejano kag bug-os kabuhi ini nga nagpuyo sa isa ka village sa central Portugal.
Naguba sini ang rekord nga napagkit sang 1939 sang isa ka Australian cattle-dog ang nagkabuhi sa sulod sang 29 ka tuig kag lima ka bulan.
