Manirado na ang Malaysian company nga ginakabig pinakadako nga manufacturer sang surgical gloves sa kalibutan bangud sa pag-infect sang COVID-19 sa ila nga mga empleyado.
Nangin in-demand ang mga surgical gloves sang nag umpisa ang pandemya bangud ginagamit ini bilang protective equipment.
Apang sang damlag lang, nakarekord ang kompaniya sang masobra 1,000 ka mga kaso sa isa lang ka adlaw rason nga nadesisyonan sang gobyerno nga ipasirado ang factory.
Suno kay Defense Minister Ismail Sabri Yaakop, base sa abiso halin sa ministry of health, ginkasugtan nga i-shut down ang 28 ka mga factories sang kompaniya agud nga mapaidalom ang tanan nga mga empleyado sa tests kag quarantine.
Nahibaluan nga 5,700 na nga mga empleyado ang ginpaidalom sa COVID-19 test.
Ang kompaniya ang may yara sang 47 ka mga factories sa diin 41 ang yara nahamtang sa Malaysia.
