ILOILO CITY– Ginaduso sang isa ka konsehal sa syudad sang Iloilo ang pagbutang sang colored wristband sa mga persons under monitoring kag persons under investigation sa syudad sang Iloilo.
Sa interview sang Bombo Radyo kay Councilor Lyndon Acap, iya ginpahayag nga kuntani may yara sang wristband agud nga sa tion nga ang mga ini ang maglapas sa quarantine mahimo mareport sa mga otoridad.
Suno kay Acap, indi man makabig nga diskriminasyon ang nasambit nga tikang, bngud ini ang isa ka paagi agud protektahan ang mga pumuluyo bangud may yara sang mga persons under monitoring nga matig-a ang ulo kag padayun nga nagalagaw.
Pahayag pa sang konsehal kun my yara sang wristband nga may specific nga kolor, madali makalikaw ang mga pumuluyo kag indi na makapalapit pa.
Dugang pa sang natungdan., may yara na nga daan sang una sang ordinansa si Vice Mayor Jeffrey Ganzon tuhoy sa tagging kag kun magsanto ini sa iya ginaduso nga pagpagamit sang swristband, mahimo ini mapatuman sa syudad sang Iloilo.
