Liwat na nga ginbuksan sang Wuhan China ang ila international flights matapos ang walo ka bulan nga moratorium umpisa sang nagtuhaw ang makamamatay nga balatian sa nasambit nga lugar.
60 ka mga pasahero ang nag-abot sa Tianhe International Aiport sa Wuhan sakay sa South Korean carrier nga T’way.
May mga opisyal nga nakasuksok sang personal protective equipment kaangay na lang sang mask kag visors nga amo ang naga check sang passport sang mga nag-abot nga mga pasahero.
Nahibaluan nga ang tanan nga mga internatioanal passengers nga naga-abot sa Wuhan ang kinahanglan nga magpaidalom sa test sa sulod sag 72 hours sang ila departure.
