ILOILO CITY – Mas mataas ang numero sang recoveries ipaanggid sa bag-o nga COVID-19 cases sa Agusto 26 nga case bulletin sang Department of Health Region (DOH) VI.
Narecord sang ahensya ang panibag-o nga 150 ka naka-recover sa nasambit nga balatian.
Sa sini nga numero, 1 ang halin sa Antique; 1 sa Guimaras; 11 sa Iloilo Province; 1 sa Negros Occidental; 133 sa Bacolod City; kag 3 sa Iloilo City.
87 naman ang panibag-o nga COVID-19 cases kun sa diin 2 ang nagikan sa Capiz; 6 sa Iloilo Province; 26 sa Negros Occidental; 45 sa Bacolod City; kag 8 sa Iloilo City.
Sa bag-o nga COVID-19 cases, 5 ang Returning Overseas Filipinos (ROFs) samtang 82 naman ang local cases.
As of August 26, ang Western Visayas ang may yara na sang 3,738 ka total cases; sa sini nga numero, 1,980 ang active cases, 1,703 ang naka-recover, kag 55 ang ginbawian sang kabuhi.
Kun pahat-pahaton ang kabug-usan nga kaso sa rehiyon:
Aklan – 9
Antique – 26
Capiz – 37
Guimaras- 41
Iloilo Province – 369
Negros Occidental – 382
Bacolod City – 605
Iloilo City – 772
ROFs/LSIs/APORs – 1,497
Tagged to other Regions – 34
