Ginlockdown ang building sang Western Visayas Medical Center SubNational Laboratory matapos nga nagpositibo sa COVID-19 ang isa ka staff.
Sa interview sang Bombo Radyo kay Dr. Joseph Dean Nicolo, Chief sang Western Visayas Medical Center, iya ginpahayag nga siraduhan anay ang 1st kag 2nd floors sang laboratory building para magpatigayon sang disinfection.
Suno kay Dr. Nicolo, mahimo nga maglawig sang apat ka adlaw ang lockdown.
Gin-athag naman niya nga magapadayon sa gihapon sa pagbaton sang specimen ang laboratoryo.
Ipadailom naman sa testing ang iban pa nga staff sang laboratory samtang yara na sa isolation room ang nasambit nga COVID-positive nga una na nga nakitaan sang sintomas kaangay sang sip-on kag hilanat.
