ILOILO CITY – Pormal na nga nagbukas ang Western Visayas Regional Athletic Association (VWRAA) Meet 2018.
Ang opening program ang ginpatigayon sini gid lamang nga hapon sa Iloilo Sports Complex.
Bag-o ang Opening Program, nagpatigayon anay sang parada ang kada delegation team nga ginalakipan sang Aklan, Antiqiue, Capiz, Guimaras, Negros Occidental kag Iloilohalin sa Iloilo Provincial Capitol padulong sa Iloilo Sports Complex.
Full support ang mga local officials sa Western Viayas sa diin yara sanay Gov. Rhodora Cadiao sang Antique, Gov. Florencio Miraflores sang Aklan, Gov. Antonio Del Rosario sang Capiz, Gov. Samuel Gumarin sang Guimaras kag Gov. Arthur Defensor Sr. sang Iloilo.
Nagtambong man ang pila ka opsiyal sang Department of Education (DepEd) sa pagpanguna ni Officer In charge Victor De Gracia Jr.
Nag serbe naman nga manugsindi sang ceremonial torch ang Ilonggo Olympian nga si Rene Herrera.
Mismo sa DepEd Regional Director Ma. Gemma Ledesma ang nag deklarar sa pormal na nga pagbukas sang WVRAA Meet.
Ginkilala ang delegasyon sang Aklan bilang may pinakadamu nga atleta sa ginhiwat nga parada samtang nangin Best in Uniform naman ang delegasyon sang probinsya sang Guimaras.
Nahibaluan nga ginabantayan gid subong nga tuig ang WVRAA Meet ilabi pa nga ini ang labing una nga kahigayunan nga magahampang ang Negros Occidental sa Rehiyon pagkatapos gindissolve ang Negros Island Region.