Liwat nga ginhingadlan ang West Visayas State University (WVSU) nga isa sa top-performing schools sa September 2024 Licensure Examination for Teachers (LET).
Sa elementary level, nanguna ang WVSU-La Paz Campus nga may passing rate nga 96.40% sa idalum sang Category A nga may 100 ukon masobra pa nga mga examinees.
Nakahimo ang unibersidad sang 107 ka bag-o nga mga manunudlo sa elementarya gikan sa 111 ka mga nagkuha sang pasinawan.
Samtang, sa secondary level, ang La Paz Campus sang WVSU kag Himamaylan City Campus (HCC) ang nakakuha sang ikaduha kag ika-10 nga pwesto.
Ang La Paz Campus nakarekord sang 96.77% nga passing rate, nga may 150 ka mga nakapasar gikan sa 155 ka mga examinees, samtang ang Himamaylan City Campus nakarekord sang 90% nga nakapasar, nga may 144 ka mga nakapasar gikan sa 160 ka mga examinees.
Samtang, ang duha ka campus yara sa idalom sang Category B nga may 100 tubtob 299 ka mga examinees.
