Nag-apelar ang West Visayas State University (WVSU) sa Iloilo City Government nga pahanugutan ang Face-to-face classes para sa medical related courses.
Sa exclusive interview sang Bombo Radyo kay Dr. Joselito Villaruz, presidente sang WVSU, iya ginpahayag nga ginaduso nila nga mapahanugutan ang pagbalik sang mga estudyante sa eskwelahan sa tion nga mapanubuan sa General Community Quarantine (GCQ) ukon Modified General Community Quarantine (MGCQ) ang classification sa syudad.
Suno kay Villaruz, ang medical related courses nga posible mapahanugutan sa Face-to-face classes amo ang College of Medicine, Nursing, Medical Technology, Pharmacy, Public Health kag Physical Therapy.
Positibo man suno sa iya ang nangin feedback ni Iloilo City Mayor Jerry Treñas sa diin naghatag pa sang suhestyon ang alkalde nga bakunahan batok sa COVID-19 ang tanan nga mga estudyante lakip na ang ila pamilya agud ma-proteheran batok sa COVID-19.
Nahibaluan nga sa pagbukas sang klase ang Pilipinas na lang kag Venezuela ang mga pungsod nga wala sang face to face classes humalin sang nag-umpisa ang pandemya.
