ILOILO CITY– Magapatigayun sang entrance examination ang West Visayas State University para sa mga applicants sang College of Law.
Sa interview sang Bombo Radyo kay Dr. Joselito Villaruz, ang Presidente sang West Visayas State University, iya ginpahayag nga ang deadline sa pagpasa sang application para sa Juris Doctor ang magatakop sa Hulyo 31, 2020.
Suno kay Villaruz, pagkatapos sang filling sang application, magapatigayun sila sang extrance examination sa mga applicants, tan-awon man ang general grades sa ila under-graduate program kag pagkatapos may yara man sila sang interview.
Madamo suno sa iya sang mga applicants, apang indi tanan sa mga ini ang mahimo ma-akomodar sang unibersidad.
Dugang pa sang natungdan, sa subong, ang batunon lang nila amo nga mga fulltime students, kag sa masunod nga mga tinuig, magabatun na sila sang mga part time students.
