Ginkumpirma sang West Visayas State University (WVSU) nga nakabaton ini sang bomb threat subong nga aga, Nobyembre 17.
Base sa official statement nga ginpaguwa sang eskwelahan, suspendido ang face-to-face classes sa tanan nga lebel sa main campus. Gin-suspend man ang trabaho sang staff kag administrative personnel sa aga.
Yari ang statement:
“The West Visayas State University (WVSU) Main Campus received a bomb threat this morning, November 17, 2025. All in-person classes across all levels are suspended and will shift to mediated instruction until further notice. Work for staff and administrative personnel is likewise suspended for the morning. Please wait for further official announcements.”
Matandaan nga kaina sang kaagahon, nakabaton man sang bomb threat ang Iloilo National High School nga yara lang sa tabok sang WVSU. Na-clear na ang lugar kag kumpirmado nga wala sang bomba gani nga magapadayon ang normal school operations.
Matandaan nga sang nagligad nga semana, may nabaton man nga bomb threat ang University of San Agustin- Basic Education Department samtang duha ka sunod-sunod nga bomb threat man ang nabaton sang Iloilo Science and Technology University. Lunsay ini na-clear sang awtoridad kag nadeklarar nga wala sang bomba ukon anuman nga explosive devices.#
Photo, Screengrab: West Visayas State University/FB
 nga nakabaton ini sang bomb threat subong nga aga, Nobyembre 17.){kind=link}