Naga-apelar ang University President sang West Visayas State University sa mga estudyante kag personnel sang nasambit nga buluthuan nga mangin pasensyoso sa pagsunod sa ila ginapatuman nga security measures.
May kaangtanan ini san asud-asud nga school incidents sa Pilipinas kun sa diin involved mismo ang mga estudyante.
Sa interview sang Bombo Radyo kay Dr. Joselito Villaruz, iya ginpahayag nga dako man ang iya pagpasalamat sa paghatag sang alumni sang isa ka full body scanner nga ginakabig niya nga dako nga bulig sa unibersidad.
Ginpakigbahin man niya nga plano man sang unibersidad nga dugangan ang nasambit nga scanner agud madasig ang pagsulod sang mga estudyante.
Suno kay Villaruz, isa man sa ila ipatuman amo ang mas ginpasangkad nga vehicle inspection sa mga nagasulod sa WVSU.
