Dako ang pagpasalamat sang Western Visayas Transport Cooperative nahanungod sa igahatag sang gobyerno nga P5,000 fuel subsidy sa mga mga drivers sang Public Utility Vehicles (PUV) nga pagasuguran na sa masunod nga semana.
Sa interview sang Bombo Radyo kay Mr. Raymundo Boyet Parcon, Chairman sang WVTC, iya ginpahayag nga antes pa ang impormasyon kun san-o igahatag ang subsidiya halin sa gobyerno, madamo na ang operators nga nagapamangkot sa iya nahanungod sa igahatag nga bulig sang gobyerno subong nga nagtimbuok ang presyo sang gatong.
Suno kay Parcon, nagapasalamat gid sila sa bulig sang gobyerno ilabi na ang mga operators, apang wala niya man gin-ako niya nga kulang sa gihapon ang lima ka libo bangud makaigo lang ini sa sulod sang lima ka adlaw nga pagpatughong sang gatong.
Pahayag niya nga sang wala pa sang pagsaka sa presyo sang produktong petrolyo, yara lang sa P1,000 ang ila nga galastuson, apang sa subong, yara na sa P1,400 tubtob P1,500 ang ila magasto para lang sa isa ka adlaw.
Nahibaluan nga naghatag man sang dugang nga bulig ang National Food Authority (NFA) paagi sa rice subsidy sa mga driver sang PUVs.
 nga pagasuguran na sa masunod nga semana){kind=link}