Ginpasigurado sang Western Visayas Transport Cooperative (WVTC) nga 100% serviceable ang ila tanan nga units agud nga ma-accommodate ang mga pasahero sa Iloilo City.
Sa interview sang Bombo Radyo kay Mr. Raymundo “Boyet” Parcon, presidente sang Western Visayas Transport Cooperative (WVTC), iya ginpahayag nga may yara sila sang 150 ka mga modernized units nga manog-abot sa Oktubre.
Suno kay Parcon, may yara sang motorpool ang ila nga talatapan agud nga i-maintain ang ikasarang sang tagsa ka modernized units ilabi na ang aircon sini.
Ginpahayag man sini nga isa tubtob duha ka oras ang magamit sang tagsa ka modernized unit agud nga ini ang malimpyohan kag masekyar sang mga mekaniko.
Gin-athag man sini nga kada Sabado, 50% lamang ang nagabyahe sa dalan samtang ang nabilin nga 50% ang yara sa motor pool agud nga ipaidalum sa maintenance.
