Nagpakigkita si Chinese President Xi Jinping kay Russian leader Vladimir Putin sa iya una nga adlaw sang pagbisita sa Moscow.
Magalawig sang tatlo ka adlaw ang pagtinir ni Xi sa Russia. Ini ang iya una nga bes nga pagtapak sa amo nga pungsod halin sang gin-invade sang Russia ang Ukraine.
Natabo man ini pila ka adlaw lang matapos nagpaguwa ang International Criminal Court sa Hague ang arrest warrent batok sa Russian President bangud sa ginpahayag pagkomiter sang war crimes sa Ukraine.
Sa amo nga meeting, ginpahayag ni Xi nga nagalaum siya nga malantaw ang proposal sang China para sa resolution sa Ukraine conflict.
Una na nga ginpahayag sang China nga ini nga byahe ni Xi ang makabig nga “journey of friendship, cooperation and peace”.NIni ang sa tunga sang katuyuan sang Beijing nga ipakita ang kaugalingon bilang isa ka “key proponent” para masolbar ang mga away sa kalibutan.
Bisan amo sini ang pahayag sang China, para naman sa Western capitals, isa ini ka “endorsement” sa Russian leader sa tunga sang nagapadayon nga Russia-Ukraine conlict.
Sa isa ka portion sang meeting nga ginpabati sa publiko, ginpahayag ni Xi nga handa siya kag bukas sa anuman nga negotiation process. Baliskad ini sa iya sulit-sulit nga pagpamalibad sa hingyo sang Kyiv nga mag-withdraw na sang ila tropa sa duta nga sakop sang Ukraine.
Suno naman kay Ukrainian foreign ministry spokesman Oleg Nikolenko, nagalaum ang Kyiv nga gamiton ni Xi ang iya impluwensya agud nga matapos na ang agresibo nga pagpang-atake sang Russia sa Ukraine. ##
