Ginkumpirma sang aktor nga si Xiam Lim nga naga-date sila sang Filipino-Chinese filmmaker nga si Iris Lee, apang ginpanginwala nga nangin third party ini sa ila anay relasyon ni Kim Chiu.
“Yes, I’m seeing Iris. Just to clear everything, to clear all the speculations. We are seeing each other and we are very happy,” pahayag ni Xian.
Ginlaragway pa sini si Iris nga iya producer kag creative partner nga isa ka “talented filmmaker.”
Siya ang producer sa idalom sang Viva Communications Inc. kag nag-produce sang mga pelikula nga “Bird Day” (2016), “Deleter” (2022) kag “Hello, Universe!” (2023) kun sa diin naka-trabaho sini si Xian.
“Dating” pa lamang ang ginmensyonar sang aktor kag ginpanginwala man sini ang espekulasyon nga kasado na sila ni Iris sa New York.
Matandaan nga 12 ka tuig ang ginlawig sang relasyon ni Xian kay Kim apang ginkumpirma ang ila nga breakup sang Disyembre 2023. May gin-release nga official statement sa ila pagbulagay apang tubtub subong, nagapabilin nga indi klaro sa fans kun ano ang rason sang ila nga split.
“These are the things that I want to clarify. There’s no third party. That’s it. That plain and simple,” paathag sang actor-director. “And I’m like, no, I am not married.”
Sa iya naman masobra isa ka dekada nga relasyon kay Kim, gintawag ini ni Xian nga isa ka sahi sang “beautiful relationship”: “It was a beautiful 12 years, and we worked it out. That’s why it lasted that long.”
Kun istoryahan ang paghigugma kag pagpakig-relasyon, paano ginalaragway ni Xian ang iya kaugalingon: “That’s how I love. Kung magmahal ako, lubos, buong kaluluwa.”#
