Matunog subong nga gina-istoryahan kun may yara sang bag-o nga nobya si Xian Lim apisar pa nga bag-o pa lamang nakumpirma ang ila breakup ni Kim Chiu.
Nadabukan ini nga istorya sang nakit-an si Xian kaupod ang film producer nga si Iris Lee sa motorcycle riding school kaupod ang ila mga abyan lakip na sanday JK Labajo kag beauty queen nga si Dia Mate.
Sa amo nga picture, makit-an nga gina-agbayan ni Xian si Iris samtang gina-uyatan naman sang babayi ang kamot sang aktor.
Sang Disyembre lamang sang ginkumpirma nanday Xian kag Kim ang ila nga pagbulaganay matapos ang masobra isa ka dekada nga relasyon.
Sang amo man nga bulan, may naga-guwa na nga huring-huring kaangot sa posible kaangtanan ni Xian kay Iris apang wala sang kumpirmasyon.
Nahibaluan nga magkaupod sanday Xian kag Iris sa pila na ka mga proyekto kun sa diin ang pinakaulihi amo ang pelikula nga Hello, Universe nga gin-direk ni Xian kag bida naman si Janno Gibbs.
Sang May 2023, nag-post man sa Instagram si Iris sang picture nila ni Xian sa shooting sang pelikulakun sa diin gin-panginbulahan sini si Xian bilang director.
