ILOILO CITY – Ginkadlawan lamang sang sexy actress nga si Yassi Pressman ang dating rumors sa tunga nila sang presidential son kag Ilocos Norte representative Sandro Marcos.
Ini ang kasunod sang naglapta nga video sang duha nga super sweet sa isa ka party.
Suno kay Yassi, nabutangan lamang ini sang malisya bangud nga ang video ang ginpahinay kag ginbutangan sang music.
Magluwas sa anak sang presidente, gina-link man si Yassi kay Camarines Sur Governor Luigi Villafuerte.
Sa isa ka picture, makita nga ginhalukan sang young governor ang actress sa isa ka event.
Samtang, gin-confirm ni Yassi nga madugay na sila nga bulaganay sang iya non-showbiz boyfriend nga si Jon Semira.
