Diutayan lang nga makuha sang tiglawas sang Pilipinas nga si Yllana Marie Aduana ang korona sa Miss Earth 2023.
Sa finals sang pageant sa Ho Chi Minh City, Vietnam, nagpangaduha lamang si Aduana sang nakuha sini ang titulo nga Miss Earth Air samtang ginkoronahan naman bilang Miss Earth 2023 si Drita Ziri sang Albania.
Kabahin man sang “elemental court” ang Miss Earth Water nga si Do Thi Lan Anh sang Vietnam kag Miss Earth Fire nga si Cora Bliault sang Thailand.
Magluwas sa korona sang Filipina beauty queen nga tumandok sang Siniloan, Laguna, ginhingadlan man ini nga Best in Bikini.
Sa Top 8 Q&A pa lamang, nagpangibabaw na ang kaalam sini sang iya nga ginplastar ang “responsible cybercitizenship” sang ginpamangkot siya kun pila dapat ang edad sang mga bata nga dapat mahatagan sang access sa social media.
“I believe that social media can truly present itself very disparately but in accordance to how people use it. I believe that when a child is parented by the parents to practice responsible ‘cybercitizenship,’ in which he would know when to click, what to read, and who to trust online, then no matter what the age is, it should be validated and should be accepted — with the proper guidance,” sabat ni Aduana.
Sa Top 4 Q&A, ginsabat man sini ang importansya sang zero-waste kag sustainable lifestyle sa pamangkot nga: “An official at a recent climate conference was quoted as saying that there is no science behind the phaseout of fossil fuels. Do you agree with this?”
Sabat sang Filipina beauty queen:
“As someone who is from the medical field, I do believe that everything roots from science. And I think the greatest gift that we have in this generation is the sophisticated technical installations that we have and so there is science in the phaseout of fossil fuel.
But one thing that we can also agree on is that we can always live the zero-waste and sustainable lifestyle. I’ve always been practicing it, because sustainability will always ensure the stability in our future and if we can master the transferability skills, when the jobs phase out, then we will have a greener and more sustainable future.”
Isa ka licensed medical laboratory scientist si Aduan, model by profession, kag advocate sa paggamit sang education bilang platform sa pagbato sa climate change.
Ang katapusan nga Miss Earth winner halin sa Pilipinas amo si Karen Ibasco nga nagdaog sang 2017. Ang iban pa nga Filipina Miss Earth winners amo sanday Karla Henry (2008), Jamie Herrell (2014), kag Angelia Ong (2015). #
