Youth Adorers of the Holy Trinity / Adorers of the Holy Trinity
ILOILO CITY – Magapatigayon sang 1st Trinitian Youth Summit ang Youth Adorers of the Holy Trinity sa pagpanguna ni Archbishop Jose Romeo Lazo sang Archdiocese of Jaro.
Ginpahayag sa Bombo Radyo ni June Peter Calmita, Servant leader sang nasambit nga devotee group, nga ang nasambit nga youth summit ang patigayunon sa Mayo 24 tubtub 26, 2019 sa Iloilo Science and Technology University (ISATU) sa Dumangas, Iloilo.
Ang nasambit nga aktibidad ang may tema nga “Reaching the Heights of Love, Faith and Unity through service”.
Suno kay Calamita, paagi sa nasambit nga youth summit, mapahangop sa mga pamatan-on ang pagpalangga sa Ginuo kag ang maayo nga pagtamod sa isig ka tawo paagi sa faith formation activities.
Ang Youth Adorers of the Holy Trinity ang gintukod sang 2016 sang Adorers of the Holy Trinity kag ginakilala sang Commission on Laity.
