Posible nga wala na sa Estados Unidos sang Amerika ang kontrobersiyal nga kongresista nga si Ako Bicol party-list Rep. Zaldy Co.
Sandig sa U.S. Customs and Border Protection, nag-abot sa New York ang amo nga mamalidha sang Agosto 26, 2025 paagi sa paggamit sang tourist visa. Ginpasugtan siya nga magpabilin sa US tubtob Pebrero 25, 2026.
Apang 19 ka adlaw pa lang siya sa amo nga pungsod, naghalin ini sa New York kag wala sang record kon diin nagkadto.
Matandaan nga sang Sabado, gin-revoke ni House Speaker Faustino “Bojie” Dy III ang travel clearance ni Co kag ginhatagan ini sang 10 ka adlaw agud nga makapauli sa Pilipinas agud atubangon ang mga isyu sa iya.
Ginpahayag nga yara sa US si Co bangud sa “medical treatment.”
Si Co amo anay ang chairman sang House appropriations committee sang nagligad nga Congress kag ginatudlo nga isa sa mga utok sa gin-alegar insertions sa 2025 national budget kag amo man ang naghatag ligwa sa mga iregularidad sa flood control projects.
Una na niya nga gin-deny ini nga mga akusasyon, apang wala sang ginhatag nga kumpirmasyon kun san-o siya magabalik sa Pilipinas.#
