Handa nga mangin testigo si anay Ako Bicol Partylist Representative Zaldy Co sa ikatatlo nga impeachment complaint sa Kamara batok kay President Ferdinand “Bongbong” Marcos Jr.
Mahimo mangin importante ang testimonya ni Co kun magpadayon ang proseso sa nasambit nga reklamo.
Suno ini kay anay Anakalusugan Partylist Rep. Mike Defensor nga isa sa nag-file sang impeachment complaint nga wala ginbaton sang Secretary General sang Kamara.
Suno pa sa iya, ang isyu sang indi pagbaton sang complaint ang nagbukas sang mga pamangkot nahanungod sa legal kag procedural nga mga pamaagi sa sulod sang Kamara.
Ang sitwasyon nagdugang sa tensyon sa House of Representatives, bangod may nagakalain-lain nga interpretasyon ang mga mamalidha nahanungod sa husto nga proseso sang impeachment.
May mga nagapahayag nga ang indi pagbaton sang mga reklamo mahimo magapaluya sang transparency kag due process.
