Ginkumpirma ni Department of Justice Secretary (DOJ) Fredderick Vida nga ginpahibalo sa iya sang Czech authorities nga wala na sa ila si former Ako Bicol Party-list Rep. Zaldy Co.
Didto mismo sa Prague si Sec. Vida kag nagpakigsapol sa Czech officials agud i-validate ang status sang anay kongresista.
“Czech authorities have informed us that Mr. Zaldy Co is no longer in their custody,” suno sa tiglikom.
Dugang sang DOJ Secretary, sandig sa impormasyon halin sa awtoridad sa amo nga European country, nagapabilin si Co sa Schengen area.
Ginalantaw subong suno sa iya ang posibilidad nga nagbiya si Co sa Czech Republic via land travel kag sunod nga nagkadto sa Germany, Austria, Poland, ukon Slovakia.
Matandaan nga si President Ferdinand Marcos Jr. mismo ang nag-anunsyo sang Abril 16 nga nadakpan si Co sa Czech Republic bangud sang pagtuyo sa pagsulod sa pungsod nga wala sang husto nga documentation.
More on this shortly.
