Gin-ulan sang pagpanginbulahan ang celebrity couple nga sanday Zanjoe Marudo kag Ria Atayde maatapos ginkumpirma nga kasado na sila nga duha.
Natabo ang privade wedding sang duha isa ka bulan lamang matapos nga gin-anunsyo ang ila nga engagement.
Sa post sang aktor nga nagatawag kay Ria nga “My Wife”, Marso 23 ang ila nga civil wedding sa Quezon City nga amo man ang birthday sang aktres. Si Quezon City Mayor Joy Belmonte ang nagkasal sa duha.
Naga-edad na si Zanjoe sang 41-anyos samtang 32-anyos naman si Ria.
Una sila nga naka-updanay sa fantasy television series nga “My Dear Heart” sang 2017 kag nangin suod na nga mag-abyan halin sadto.
2022 naman sang nagsugod nga dating kag Oktubre sang amo man nga tuig sang ginkumpirma sang iloy ni Ria nga si Sylvia Sanchez ang ila nga relasyon.
