Gin-insister ni US Secretary of State Marco Rubio nga dapat magpangayo sang pasaylo si Ukrainian President Volodymyr Zelensky kay US President Donald Trump kasunod sang ila pagbaisay sa Oval Office sa White House.
Suno sa top diplomat, wala sang rason nga magkadto si Zelensky sa White House kag himuon ang amo nga aktwasyon.
“There was no need for him to go in there and become antagonistic,” pahayag sini sa interview sa CNN. “I think he should apologize for wasting our time for a meeting that was gonna end the way it did.”
“Don’t come here and create a scenario where you are going to start lecturing us about how diplomacy isn’t going to work,” dugang sini.
Ginrason man sini nga madugay na nga deal maker si Trump, kag nagahimo ini sang kasugtanan sa iya bilog nga kabuhi, apang nangin agresibo si Zelensky.
“When you start talking about that aggressively – and the president is a deal maker, he made deals his entire life – you’re not going to get people to the table,” suno sa opisyal.
“And so you start to perceive that maybe Zelensky doesn’t want a peace deal. He says he does, but maybe he doesn’t,” suno pa kay Rubio.
Gindugang man ni Rubio nga indi siya sigurado kun gusto gid man ni Zelensky nga makalab-ot sa isa ka peace agreement nga amo ang magatapos sa tatlo ka tuig nga gyera sang Ukraine kag Russia.
Sa bahin sang Ukrainian leader, ginsiling sini nga indi siya magpangayo sang sorry kay Trump.
Suno kay Zelensky, gina-respeto niya ang presidente kag ang mga pumuluyo sang Amerika kag nagapati siya nga wala man siya sang ginhimo nga malain.
Pahayag pa sini, mas maayo kuntani ang dalagan sang diskusyunay kun wala sang mga camera kag katapo sang media sa ila atubang.
Suno pa sa iya, pareho nga indi maayo sa US kag Ukraine ang natabo.
Nagapati naman ini nga masalbar pa ang ila relasyon ni Trump.
Nahibaluan nga sa amo nga meeting, ginhangkat ni Zelensky si Trump bangud sa paghumok sini kay Russian President Vladimir Putin.
Ginbatuan man ni Zelensky ang claims ni Trump nga napudpod na ang mga syudad sa Ukraine sa sulod sang tatlo ka tuig nga gyera, apang nagsiling naman si Trump nga gusto na ni Putin nga maghimo sang kasugtanan.
Gina-insister ni Trump nga dapat mangin mas mapinasalamaton si Zelenskiy, kag ginsilingan man niya ini nga naga-gamble sa World War III bisan pa nga nagakawad-an na ini sang mga soldado.
Nagasal-ot man si Vice President Vance kag nagsiling nga wala sang pagtahod si Zelensky bangud nagkadto ini sa White House agud lamang nga iinsister ang iya nga posisyon.
Ginapilit naman ni Trump nga mahimo magsulod sa deal ang Ukraine, bangud kun indi, indi na magsuporta ang US.
Ini nga meeting ang natabo antes kuntani ang pagpirma sang duha ka lider sa natural resources agreement. angud sa ila pagbaisay nga gindugangan pa ni Vice President JD Vance, wala nadayon ang agreement nga pilirmahan, nagbiya si Zelensky sa White House, kag nakanselar man ang naka-schedule kuntani nga news conference.#
