Nagpagwa sang bag-o nga statement si Ukrainian President Volodymyr Zelensky nga nagasiling nga ginahinulsulan niya ang natabo nga pagbaisay nia ni US President Donald Trump sa Oval office sa White House sang nagligad nga semana.
Ginhimo ni Zelensky ang statement kagab-i matapos gin-untat ni Trump ang military aid sa Kyiv.
Sa iya statement, ginsiling ni Zelenskiy nga suportado niya ang peace negotiations kag handa nga pirmahan ang deal nga nagahatag sa United States sang access sa Ukrainian minerals, nga iya ginbilin sang nagbiya ini sa Washington matapos ang indi maayo nga pag-atubangay nila ni Trump.
Suno pa sa iya, ginahatagan niya sang balor ang ginahimo sang Amerika nga pagbulig sa Ukraine.
Kasunod sang ila pagbaisay, ginsiling ni Zelensky nga tion na agud insaktuhon ang sala nga iya nahimo.
