Ginpahayag sang Ukrainian Ambassador to the US nga si Oksana Markarova nga indi magkadto si Ukrainian President Volodymyr Zelensky sa border sang Belarus agud nga makig-istorya sa Russia.
May delegasyon lang nga ipadala ang Ukraine sa amo nga ‘peace talks’ suno sa ambassador apang wala diri nalakip ang presidente.
Suno kay Markarova, handa ang Ukraine nga makig-istorya, apang wala ini nagakahulugan nga masurrender na sila sa Russia.
Sa bahin naman sang presidente, ginpahayag sini nga wala siya sang masyado nga ginalauman sa patigayunon nga peace talks sa Lunes sang aga.
“I will say frankly, as always: I do not really believe in the result of this meeting, but let them try. So that no citizen of Ukraine would have any doubt that I, as president, did not try to stop the war when there was even a small chance,” suno kay Zelensky.
“And while our guys are there, the president is here, the chief of staff is here, the prime minister is here, the army is here, the commander-in-chief is here. We will all defend our state and our borders,” pahayag pa sini. ##
