Ginpahibalo ni Ukrainian President Volodymyr Zelensky nga magakadto siya sa White House agud makigkita kay US President Donald Trump sa Lunes, Agosto 18.
Ang katuyuan sang ila pagtililipon amo ang pag-isturya parte sa pagpauntat sang giyera sa Ukraine.
Natalana ang pagbisita ni Zelensky sa White House kasunod sang summit ukon one-on-one nga pagtililipon nanday Trump kag Russian President Vladimir Putin sa Anchorage, Alaska sini lang nga Biyernes.
Bisan pa nga wala nakaseguro si Trump sang kasugtanan kay Putin parte sa giyera, nagdesisyon sila nga magtrabaho para sa isa ka peace agreement nga magatapos sang giyera sa tunga sang Russia kag Ukraine, kag indi lang ceasefire.
Nadumduman nga nangin kontrobersiyal ang ulihi nga pagpakigsapol nanday Zelensky kag Trump sa Oval Office sang White House sang Pebrero 28 sini nga tuig, matapos nagkadto sa pagbaisanay sang bilateral meeting kag nakansela ang pagpirma sang kasugtanan parte sa rare earth minerals kag gin-eskortan si Zelensky pagwa sang White House.
