Gin-akusaran ni Ukrainian President Volodymyr Zelenskyy ang Russia sa pagkomiter sang genocide sa Ukraine.
Kasunod ini sang mga report nga ginapanghal-id lang sang Russian forces ang mga bangkay sa mass graves.
Ikaanum na subong nga semana sang Russian invasion, kag suno sa presidente sang Ukraine, hungod na nga ginahimo sang Russia ang “destruction and extermination” ukon pagpatay sa masobra 100 ka nationalities nga yara subong sa Ukraine.
May ginpaguwa man nga mga laragway kun sa diin daw kaangay nga may shooting para sa horror movie bangud sa mga bangkay nga naga-ilidas sa mga dalan sa Bucha amo man sa Irpin kag Hostomel sa Kyiv.
Sa sitwasyon naman sa Mariupol kag iban pa nga Russian-controlled cities, ginpahayag sang presidente nga “humanitarian disaster” na ini bangud magluwas sa ginpanghal-od nga mga bangkay, wala pa sang pagkaon kag tubig para sa ginabanta 100,000 civilians nga nabilin pa sa amo nga lugar.
Ginapahayag subong nga naga-regroup ang pwersa sang Russia kag nagasaylo ang focus sa eastern kag southern regions sang Ukraine.
