Indi na lang mangin limitado sa mga ospital nga yara sa idalom sang Department of Health (DOH) ang zero-balance billing.
Ini ang kasunod sang pag-amyenda sang Senado sa gin-proponer nga General Appropriations Bill, nga naghatag sang dugang pondo para sa ahensya.
Suno kay Secretary Teodoro Herbosa, kun ma-aprobahan ang ini nga pondo, gamiton ini para suportahan ang mga ospital sang local government units (LGU).
Sa pahayag naman ni DOH spokesperson Albert Domingo nga ang zero-balance billing, paagi sa dugang nga pondo, ipatuman sa mga level three nga ospital nga ginapanag-iyahan sang mga LGU.
Sa isa ka sulat nga ginpirmahan ni Herbosa para kay Senate President Vicente Sotto III, ginproponer ini kun paano magahimo sang no-balance billing sa mga ospital sang LGU.
Dugang pa, ginproponer sang DOH nga ang pagpagwa sang pondo para sa mga ospital sang LGU nga himuon paagi sa level three nga DOH hospitals.
Sa karon, suno sa DOH, masobra sa isa ka milyon ka mga Pilipino ang nakabenepisyo na sa programa.
