Ginkoronahan bilang Miss Iloilo 2026 si Zestah Shalom Espinosa sang Anilao, matapos ang madinalag-on nga coronation night kagab-i sa West Visayas State University (WVSU)- Cultural Center.
Nagpangibabaw si Zestah batok sa 11 ka iban pa nga kandidata nga nagpaindis-indis sa korona kag mangin tiglawas sang Iloilo sa Miss Universe Philippines 2026.
Nakuha man sini ang pila ka mga awards nga ginalakipan sang Best in Gown, Best in Swimsuit, Best in Introduction Video, kag Miss La Carmela de Boracay Choice Award.
Tuman naman ang pasalamat ni Zestah sa iya mga supporters, ilabi na sa iya iloy nga isa ka Overseas Filipino Worker (OFW) nga nagapalangga kag nagahatag sang suporta sa iya apisar nga malayo ini.
