Ginbalik sang beterana nga singer kag actress nga si Zsa Zsa Padilla ang iya Lifetime Achievement Award nga ginpasidungog sa iya sang Aliw Awards Foundation.
Suno kay Zsa-Zsa wala sini manamian ang ginpakita nga pag-amuma sa ila kag kaangay nga wala sang respeto ang nagdumala sang awarding ceremony.
Ginpahayag sini nga nadula ang kahulugan sang pagpasidungog matapos wala sila natagaan sang opportunidad nga makahatag sang ila speech bilang pagpasalamat man sa mga tawo nga nangin parte sang ila kadalga-an.
Upod ni Padilla sa mga ginpasidunggan sanday Lani Misalucha, Jed Madela, Gary Valenciano, kag Franki Asinero nga amo man ang pagtratar sa mga ini.
Gilayon naman nga naghatag sang ila sabat ang Aliw Awards Foundation, nga suno sa tagdumalahan nga gintinguhaan gid nila nga mahatagan sang nagakaigo nga tion ang tagsa-tagsa apang ginkulang gid sa oras.
Rason nga wala na makahatag sang ila speech ang iban nga napasidunggan kaangay na lang ni Zsa-zsa Padilla nga nakabaton sang Lifetime Achievement Award.
