Nagpagwa ang Department of Agriculture sang ₱133.09 milyon nga ayuda para sa mga mangunguma nga naapektuhan sang Severe Tropical Storm Crising (Wipha) kag Habagat.
Lakip sa bulig amo ang mga binhi sang humay, mais, kag mga utan nga halin sa mga regional offices sa Central Luzon, MIMAROPA, Central Visayas, Zamboanga Peninsula, Soccsksargen, kag Caraga.
Na-activate man ang Quick Response Fund para sa rehabilitasyon sang sektor sang agrikultura.
May yara man sang pautang nga hasta ₱25,000 nga wala sang interest kag bayaran ini sa sulod sang tatlo ka tuig, sa idalum sang Survival and Recovery Loan Program.
Ginpahibalo man nga makabaton sang bayad ang mga insured nga mangunguma halin sa Philippine Crop Insurance Corporation.
Base sa datos, naglab-ot sa ₱96.9 milyon ang ginbanta nga danyos, nga nakaapekto sa 4,665 ka mangunguma kag 2,236 ka metriko tonelada nga produkto sa 6,037 ka ektarya.
Padayon subong ang validation sang DA samtang ginabantayan man ang epekto sang sarado nga kalsada sa transportasyon.
Ginapatigayon man sang mga regional office ang field validation, needs assessment, kag price monitoring agud mamentinar ang suplay kag presyo sang agrikultura.
