“𝑺𝙞 𝙣𝙖𝙣𝙖𝙮 𝙣𝙖𝙢𝙤𝙣 𝙗𝙖𝙜-𝙤 𝙡𝙖𝙣𝙜 𝙜𝙞𝙣-𝙤𝙥𝙚𝙧𝙖𝙝𝙖𝙣. 𝙎𝙞 𝙩𝙖𝙩𝙖𝙮 𝙣𝙖𝙢𝙤𝙣 𝙣𝙖-𝙨𝙩𝙧𝙤𝙠𝙚.”

Magluwas sa ginasinggitan nga hustisya, nagapangayo man sang bulig ang pamilya sang soltero nga nasapwan nga patay sa Aglalana, Passi City.

Ang biktima amo si certain Roland, 23-anyos, residente Barangay Danao, Janiuay, Iloilo.

Sa interview sang Bombo Radyo kay Vanesa Cataluna, magulang sang biktima, iya ginpahayag nga sa tunga sang ila kalisod, nagaproblema pa gid sila sang kwarta nga gastuhon sa pagproseso sang bangkay sang ya manghod.

Suno sa iya, tuman ka-budlay sang ila sitwasyon subong ilabi na nga bag-o lang gin-operahan sa liog ang iya iloy bangud sa balatian samtang ang iya amay naman ang isa ka stroke patient.

Nagapangayo gid sila sang bulig.

Mahimo lang magpakig-angot sa ila sa numero nga 09215826351.