Ginpakigbahin sang isa ka pari ang iya kasaysayan nga may kaangtanan sa ikaduha nga pulong nga, โ๐ก๐ฎ๐ด๐ฎ๐๐ถ๐น๐ถ๐ป๐ด ๐ฎ๐ธ๐ผ ๐๐ฎ ๐ถ๐บ๐ผ, ๐ธ๐ฎ๐ฟ๐ผ๐ป ๐ด๐ถ๐ฑ ๐ป๐ด๐ฎ ๐ฎ๐ฑ๐น๐ฎ๐ ๐บ๐ฎ๐ป๐ด๐ถ๐ป ๐ธ๐ฎ๐๐ฝ๐ผ๐ฑ ๐ธ๐ฎ ๐ป๐ฎ๐ธ๐ผ๐ป ๐๐ฎ ๐ฃ๐ฎ๐ฟ๐ฎ๐ถ๐๐ผ.โ
Suno kay Rev. Fr. Ronaldo De Leon, Parish Priest sang Our Lady of Pillar Parish, MH Del Pilar Jaro, isa lang siya ka simple nga pari nga nagapangayo sang kapatawaran sang iya mga sala.
Ginapangayuan man ni De Leon sang kapatawaran ang tanan nga iya mga kakulangan, kag sa iya kahuyang sa pagpangabuhi, ilabi na sa pagpalayo sang iya kaugalingon sa Diyos.
Ginkanta man ni De Leon ang ini nga ambahanon nga may tigulo nga Yahweh, the Faithful One nga suno sa iya ini ang naghatag sang paglaom sa iya sa piyak sang kaluya kag kadulom sa kabuhi.
Ginpakig-ambit man sang natungdan nga madamo siya sang problema sa ikaayong lawas, kun sa diin nahibaloan niya nga may yara siya sang colon cancer sang tuig 2018.
Sa pihak sang tanan niya nga inagyan, wala siya nadulaan sang paglaom kag mas ginpadako pagid niya ang iya pagtuo sa mahal nga makaako.
Matapos sang pila ka mga binulan, naglakat siya sa Manila agud nga mag-undergo sang Positron Emission Tomography (PET ) scan, apang ginkakibot niya ang resulta nga wala na ini sang cancer.
Dako gid ang pagpasalamat ni De Leon sa mahal nga Diyos, bangud ginsalig niya kag ginpadako pagid ang iya paglaom nga maga-abot gid ang adlaw nga madula ang ginabatyag niya sa ikaayong lawas.
Ginpasalamatan man ni De Leon ang iya mga pamilya, kag abyan sa mga pangamuyo nga ginhalad para sa iya ilabi na sang panahon nga may yara siya balatian.
Ginaganyat man niya ang mga tumuluo nga indi magbuya sa Diyos, bangud nga handa siya nga mag-upod sa aton sa Paraiso nga may kapawa kag paglaom.
