Napasaka na sa opisina sang alkalde sang Dueรฑas ang signature campaign sang mga pumuluyo nga nagapanawagan nga ipasira ang L Three RG Farm bangud sa tuman ka damo nga langaw nga perwisyo na sa mga pumuluyo.
Sa interbyu sang Bombo Radyo kay Punong Barangay Orland Palabrica sang Brgy. Monpon, Dueรฑas, Iloilo, iya ginpahayag nga nasumiter na niya sa talatapan ni Mayor Robert Pama ang signature campaign kag nabaton na ini sang staff sang alkalde.
Suno kay Kapitan Palabrica, kadam-an sa mga pumuluyo ang nagpabor nga ipasira na gid ang nasambit nga poultry farm nga ginatudlo nga rason sa pagdamo sang langaw sa ila barangay.
Matandaan nga una na nga nagreklamo ang pila ka residente bangud sa perwisyo nga dala sang langaw, kag posible nga epekto man ini sang operasyon sang L Three RG Farm sa lugar.
